Cousas decotío

Gedit para windows

2008-12-25T11:18:00.000-08:00

Este días estiven traballando en portar gedit a windows e agora mesmo podo dicir que é totalmente funcional, todavía faltan algunhas cousas por arranxar pero supoño que nos seguintes días estará todo. O instalador podédelo descargar de aquí.

Screencast de gtranslator

2008-08-08T11:28:00.000-07:00

Rematado o backend das memorias

2008-07-07T06:33:00.000-07:00

Pois iso, hoxe rematei o backend, co cal xa temos suxestións dubidosas no gtranslator. Agora falta que juanjo revise o parche para subilo ao subversion e mais falta que Pablo remate a interface.

Igalia

2008-06-29T04:11:00.000-07:00

Pois xa empecei as prácticas en Igalia esta semana. Durante as prácticas o que teño que facer é seguir desenvolvendo o GTranslator, así que está sendo e penso que serán unhas prácticas moi divertidas, ademáis de que estou aprendendo moito, que é a principal cousa pola cal empecei estas prácticas.

Entrevista

2008-06-17T14:26:00.000-07:00

Estes días envioume Leonardo Fontenelle, o actual coordinador de Gnome ao Portugués unha seríe de cuestións que lle parecían interesantes, e nada, agradecerlle polo interese de facerme a min as preguntas. Así que iso, Grazas Leo.

Memorias de tradución Parte 1

2008-06-08T13:58:00.000-07:00

Bueno, isto vai indo, sen tempo non era. Xa teño o sistema das memorias de tradución funcionando. Ao final usei o mesmo sistema que os de Poedit que parece que vai moi rápido. Polo dagora só está funcionando o das coincidencias exactas pero espero que en unha ou dúas semanas teña o das coincidencias dubidosas funcionando tamén.

Xestor de proxectos rematado

2008-05-30T10:48:00.000-07:00

Bueno quen di rematado é referíndose ao traballo principal. Xa é totalmente funcional, e agora o que lle queda por meter son cousas como as preferencias, unha barra de ferramentas, posiblemente unha barra de estados para mostrar as estatísticas dun ficheiro.... e calquer outra cousa que se me ocorra.

Xestor de proxectos do gtranslator

2008-05-19T08:35:00.000-07:00

Parece que despois de varios días de traballo isto xa empeza a coller forma. Por suposto aínda faltan moitas cousas pero bueno, espero ter a maior parte das cousas rematadas esta semana. Iso si, o de gardar a configuración vai levar algo máis de tempo xa que non teño nin idea de como vai o xml.
Como se pode ver na captura, polo de agora estou tentando facer algo igual ao xestor do poedit. Iso si que non se preocupe ninguén que en canto teña todas as funcionalidades feitas empezarei a retocar un pouco a interface.

Páxina de benvida no Anjuta

2008-05-11T11:56:00.000-07:00

Estes días estiven traballando na páxina de benvida do Anjuta. Penso que está quedando ben. Aínda queda por facer pero aquí deixo un adianto.

Plugin de mancomun en gedit

2008-04-15T06:23:00.001-07:00

Pois ontes xa rematei o port do plugin do gtranslator para o gedit e parece que funciona bastante ben, a ver se alguén o proba e se non hai problemas lanzarei a versión estable dos dous plugins.

Plugin de mancomun en gtranslator

2008-04-06T06:31:00.001-07:00

O plugin do corpus de mancomun xa é usable, a ver se nestes días o consigo rematar.
Vou liberar unha versión beta por se a quere probar alguén.

Plugin para corpus de mancomun

2008-04-04T06:28:00.000-07:00

Finalmente fixéronme caso e os de mancomun puxeron un servizo por medio de XML-RPC para poder acceder ao seu corpus. Despois de varias horas trasteando co libsoup parece que xa teño encamiñado o plugin, así que en poucos días ou horas a saber das ganas que teña teremos un plugin para o gtranslator e ao rematar este farei o do gedit.

Hoxe aparezo en mancomun

2008-03-04T06:02:00.000-08:00

Pois si, onte rematei o port do complemento open tran do gtranslator ao gedit e como non subino na forxa de mancomun, e hoxe aparezo na páxina de mancomun.
A ligazón está aquí.

GTranslator usa empotrables!!

2008-01-28T14:19:00.000-08:00

Como podedes ver nesta captura o último que lle metín ao gtranslator son os empotrables da librería GDL.

Espero que lle guste á xente. Penso que é utilidade interesesante para este tipo de programas.
Saúdos.

Sistema de complementos en gtranslator

2008-01-13T06:33:00.000-08:00

Entre onte e máis hoxe engadinlle o sistema de complementos ao gtranslator, como podedes ver na captura de embaixo:

Por suposto como a maior parte dos programas de gnome, este sistema está collido do gedit.
Agora tócame o tedioso traballo de converter todos os "plugins" que fixera ao novo sistema de
complementos.

Una cousa que me gustaría facer cando teña tempo é o de darlle soporte a este sistema para instalación/actualización por rede dos complementos.

Saúdos.

Open-tran no gtranslator

2008-01-05T08:45:00.001-08:00

Aquí tendes unha captura de pantalla de como me quedou o plugin do
Open-tran (www.open-tran.eu) para o gtranslator.
E de paso pódese ver un pouco as novidades que ten o gtranslator.
As máis salientables son as da táboa de mensaxes.
Saúdos.

Novidades en GTranslator

2007-12-29T04:06:00.000-08:00

Aquí vai outra captura de pantalla:

Característica interesante a implementar no GtkTreeView

2007-11-04T09:36:00.000-08:00

Hoxe estiven pensando que algo que quedaría moi ben nos TreeViews de Gtk+ é o efecto que ten a lista de tarefas do panel de Gnome. Daríalle un toque bastante elegante ter este efecto. Se mal non me lembro algo así implementado teñen os de KDE no amarok. Así que non estaría de máis telo no rhythmbox.
O efecto ao que me refiero é o que aparece na captura de embaixo:

Cousas da fin de semana no gtranslator

2007-11-04T09:33:00.001-08:00

Como podedes ver na captura xa lle metín a lista de mensaxes. Penso que quedou ben pero
falta cousas por implementar en ela.
Outra cousa interesante que lle metín é que agora soporta drag and drop. Podes arrastrar os ficheiros .po que queiras e o gtranslator abrirachos en separadores distintos.

Saúdos.

Diálogo de preferencias do gtranslator

2007-11-03T05:25:00.001-07:00

Como podedes ver cambiei o diálogo de preferencias, penso que é máis cómodo agora ou polo menos máis bonito.
O novo diálogo de preferencias permite cambiar calquer tipo de preferencia no momento, é dicir ti se lle cambias a fonte cambiarase no momento de escoller a fonte nova, xa que como podedes ver non hai ningún botón aceptar.
Para facer isto baseeino na implementación do gedit.

Saúdos.

Dicionario de gnome no gedit

2007-09-07T07:32:00.000-07:00

Hoxe rematei ou eu supoño que está rematado ata que empecen a aparecer bugs... o plugin do dicionario de gnome para o gedit. Deixovos unha captura de como me quedou e mais a ligazón para poder descargalo:

Para descargalo: https://forxa.mancomun.org/frs/download.php/220/dict-plugin.tar.bz2

Ou se o prefires descargar do repositorio:
svn checkout --username anonsvn https://forxa.mancomun.org/svn/dict-plugin
Contrasinal: 'anonsvn'

Adianto de como está quedando o gtranslator

2007-08-27T01:00:00.000-07:00

Faltan iconas no menú de Gnome

2007-06-26T05:43:00.001-07:00

Isto é o que me pasa ata hoxe que se me deu por facer:
apt-get install --reinstall gnome-icon-theme hicolor-icon-theme

Despois de facer iso volvéronme a aparecer todas as iconas.
Saúdos.

Gtranslator

2007-04-30T14:54:00.000-07:00

Por fin acadei algo de tempo para poder escribir e como non fágoo para informar no que estou agora mesmo liado.
Pois como me apetecía aprender púxenme a portar o gtranslator a libglade que como non faise o código moito máis lexible e sinxelo. Espero poder ter o programa portado totalmente esta semana, pero co choio que me está levando non sei eu.
A ver se se lle cambia o nome que o de gtranslator, a min polo menos, non me gusta nada.
Saúdos.

Non consegues que funcione o EPSXE?

2007-02-21T08:37:00.000-08:00

Tes este problema?

./epsxe * Running ePSXe emulator version 1.6.0.
libstdc++-libc6.2-2.so.3: non se pode abrir un ficheiro de obxecto compartido

Pois para solucionar isto tes que instalar o paquete: libstdc++2.10-glibc2.2

Saúdos.

Problemas con Jhbuild

2007-02-12T17:23:00.000-08:00

Ola que tal?

Se tendes problemas ao compilar con jhbuild o módulo cairo (jhbuild buildone cairo) de que non vos atopa a biblioteca libpng só tendes que facer para solucionalo o seguinte:

export PKG_CONFIG_PATH="/usr/lib/pkgconfig"

E así de fácil poderedes construir cairo.
Saúdos.

Problemas con frozen-bubble

2007-02-03T04:01:00.000-08:00

Se tendes o seguinte problema ao arrincar frozen bubble e por suposto non arrinca:

Can't locate Locale/gettext.pm in @INC (@INC contains: /etc/perl /usr/local/lib/perl/5.8.8 /usr/local/share/perl/5.8.8 /usr/lib/perl5 /usr/share/perl5 /usr/lib/perl/5.8 /usr/share/perl/5.8 /usr/local/lib/site_perl .) at /usr/games/frozen-bubble line 52.

BEGIN failed--compilation aborted at /usr/games/frozen-bubble line 52.

O que tendes que facer é reinstalar a seguinte biblioteca: liblocale-gettext-perl

Saúdos.

Solución Cifras en Prolog

2007-01-25T14:15:00.000-08:00

Aquí deixovos o código que fixen para Cifras (o de cifras e letras) en prolog:

%Suma,Resta ou Multiplica os elementos dunha lista
%Caso base: cando chega ao último número da lista inicializa
%o resto dos valores a ese número

resultado([X],X,X).

%Resto dos casos: Como fago backtracking a operación analízase despois do
%caso base xunto coa expresión, posto que está despois da chamada recursiva.

resultado([X|L],Res,Expr):-
resultado(L,X1,Expr2),Res is X1+X,Expr = (Expr2 + X).
resultado([X|L],Res,Expr):-
resultado(L,X1,Expr2),Res is X1-X,Expr = (Expr2 - X).
resultado([X|L],Res,Expr):-
resultado(L,X1,Expr2),Res is X1*X,Expr = (Expr2 * X).

%Inicio do exercicio onde se pasa a lista cos números,
%o resultado que se quere obter e unha variable Expr
%onde se devolve a solución en forma de expresión.

cifras(L,R,Expr):-

%Permuta a lista para ter todas as posibilidades posibles
permutation(L,Z),

%Crea todas as posibles sublistas:
append(S,_,Z),

%Chamo á función resultado
resultado(S,Res,Expr),

%Fago isto para que na solución só me aparezan os
%valores iguais á variable R
R=:=Res.

Omnibook

2007-01-25T01:42:00.000-08:00

O outro día investigando para o ordenador do meu compañeiro de piso, púxenme a trastear un pouco polo web a ver se atopaba a maneira de poñerlle a regulación de brillo no seu Toshiba M40x, atopei un módulo chamado omnibook, compileino e conseguinlle poñer a regulación do brillo. Informar que o módulo que está dentro do kernel: toshiba_acpi non funciona con BIOS phoenix.
A páxina de Omnibook é: Omnibook .
Ahí xa vos explica como tendes que facer para instalalo, o típico: make, make install, modificar o /etc/modules e explícavos tamén como tendes que facer para empregalo.
Saúdos.

UltraStar Next Generation

2006-12-14T14:09:00.000-08:00

Despois de descubrir gracias a un amigo o UltraStar para Window$, púxenme a buscar e atopei unha versión que se está a desenvolver para linux, o UltraStar Next Generation, esta versión estase a desenvolver en C++, non como a versión para window$ que estaba feita en Pascal. Como o desenvolvedor ten problemas para reproducir os mp3 coa biblioteca SDL propúxenme facer un parche para este programa para que soporte o sistema de son Gstreamer, que é o empregado por programas como por exemplo o Totem, e se teño tempo, a ver se nestas vacacións consigo facer o parche.
Saúdos.

Aceleración con ATI en ubuntu

2006-12-10T07:08:00.000-08:00

Esta non é unha entrada para falar do que penso de Ubuntu (Xa que eu son de Debian), porque ultimamente non é nada bo, esta entrada é para explicar por qué pode ser que non vaia a aceleración en Ubuntu/Edgy xa que os meus compañeiros de piso toleáronme a cabeza con este tema durante dous meses.

Pois a razón é moi sinxela. Aínda que cando eu me puxen a investigar neste tema non viña explicado en ningures. Só hai que desactivar a extensión das x de composite:

Isto faise editando o ficheiro /etc/X11/xorg.conf e poñendo ao final do ficheiro o seguinte:

Section "Extensions"
Option "Composite" "disable"
EndSection

Eu pregúntome se algún día os de ATI farán un driver decente para linux, porque da un pouco de noxo o que hai.

Saúdos.

Por qué comecei a traducir software libre?

2006-12-07T04:30:00.000-08:00

Como coordinador e principal tradutor de Gnome vou dar as razóns polas que comecei a traducir software libre:

A primeira e sen dúbida a que me deu anímos a comezar a traducir e como ben debedes de supoñer, ter un sistema operativo en Galego (neste caso un escritorio, o de sistema operativo todavía está en proceso).

Outra razón era o poñerme a repasar a gramática galega e máis a inglesa, que a verdade é que aprendín moito inglés traducindo, xa que cando comecei moito non é que soubese de inglés, agora xa non me baseo tanto nesas traducións pero cando teño dúbidas pois non me queda máis remedio.

Por outro lado:
Por qué non deberíades de poñervos como coordinadores dun proxecto de tradución?

Primeiro: O tempo que leva traducir programas e subilos ao servidor de cvs/subversion ou no seu defecto enviarllos aos desenvolvedores, é moitísimo.

Segundo: Unha vez traducido un programa a lavor non remata ahí, tes que estar actualizándoo practicamente tódolos días, o que acaba por desmoralizar a calquer tradutor de software.

Terceiro: En todo o tempo que estiven traducindo NINGUÉN me mandou un informe de erros con respecto á miña tradución, e non será porque non tiña erros, xa que este verán púxenme a buscar erros nas miñas traducións e atopei uns cantos, o que me da a pensar, que ninguén emprega a miña tradución, que lles da vergonza, ou que sinxelamente pasa do tema.

Eu sigo traducindo, coma sempre, agora menos ca antes xa que estou moito máis ocupado pero de vez en cando traduzo algún programa novo. E xa que agora o CESGA optou por contratar a unha empresa (tagen ata) para corrixir a tradución que fixen do Gnome, pois menos traballo para min, aínda que xa me tocará, ata que un día me canse e mande todo ao carallo claro.

Saúdos a todos, e ánimo e grazas a todos eses tradutores que deixan gran parte do seu tempo traducindo software libre.

E por qué non?

2006-12-05T03:59:00.000-08:00

Este é o nome do meu blog. E por qué non? Despois de moito tempo decidinme a facer un blog, eu son un pouco vago para este tipo de cousas pero tentarei telo actualizado. Pois nel quero poñer cousas interesantes que me pasen, críticas (como non) , cousas de interés, cousas divertidas.... e por suposto en Galego, a miña lingua.
Saúdos a todos.